Жатақханасынан оқушыларға орын беру тәртібі бойынша ата-аналарға арналған ақпарат

Петропавл қ. ХББ НЗМ жатақханасынан оқушыларға орын беру тәртібі бойынша ата-аналарға арналған

НҰСҚАУЛЫҚ

2018-2019 оқу жылында оқушыларға жатақханадан орын берілуі үшін ата-аналар арызы мен тиісті құжаттар

2018 ж. 01 маусымнан  23 маусымға  дейін қабылданатынын ескертеміз.

Құжаттарды қабылдау күндері және уақыты:

дүйсенбі – жұма күндері сағат 09:00-ден 17:00-ге дейін; сенбі күні сағат 09:00-ден 15:00-ге дейін.

Назарбаев Зияткерлік мектептері жанындағы жатақханалардың қызметі туралы ереже (26.11.2015 ж. № 59 хаттама, 19.08.2016ж. №40 хаттама, «Назарбаев Зияткерлік мектептері» ДББҰ Басқармасының 26.01.2017ж. № 4 хаттама шешімімен енгізілген өзгерістер мен толықтырулар) бойынша:

жатақханадан орын:

  • жатақхана білім алу кезеңінде баспанаға мұқтаж «Өркен» грантының иеленушілерін оқу мен тәрбие беру жағдайымен қамтамасыз ететін және Зияткерлік мектептердің құрылымдық бөлімшесі болып табылады;
  • алыс өңірлер мен Зияткерлік мектептен тыс жерлерде орналасқан елді мекеннен қатынайтын оқушыларға беріледі.

Оқушының заңды тұлғасы өтінішпен бірге келесі құжаттарды тапсырады:

  1. Оқушының және заңды өкілдерінің заңнамада белгіленген тәртіп бойынша ауыл, ауыл аймағы әкімдігімен берілген мекен-жайы туралы анықтамалары. Бұл жерде өтініш берген күнге дейінгі мекен-жай бойынша тіркелген уақыты 1 жылдан кем болмауы шарт (Халыққа қызмет көрсету оралығынан алынады); Бұл талаптар Зияткерлік мектептен тыс жерлерде орналасқан аймақтар мен елді мекендерде тұратын оқушыға және заңды тұлғаның біреуіне таратылады, келесі жағдайларды қоспағанда:
  • жұмыс бабымен ауысуын дәлелдейтін құжаты ұсынылған (жұмысқа қабылдау туралы бұйрық және еңбек шартының көшірмелері);
  • жанұя жағдайына байланысты қоныс аударылғанын дәлелдейтін құжаты ұсынылған (оқушы және заңды тұлғаның нақты тұратын мекендері көрсетілген ауыл, ауыл аймағы әкімдігінің анықтамасы, мекен-жайының анықтамалары, жұмысқа қабылдау туралы бұйрық және еңбек шартының көшірмелері).
  1. Оқушының заңды өкілдерінің жұмыс орнынан берілген еңбекақысы туралы анықтамалары, салымшының заңнамада белгіленген тәртіп бойынша БЖЗҚ зейнетақылық аударымы туралы соңғы 6 айдың анықтамасы. Егер заңды тұлғалары жұмыссыз болған жағдайда заңнамада белгіленген тәртіп бойынша жұмыссыз ретінде тіркелгендігі туралы жергілікті атқарушы органның анықтамасы;
  2. Көпбалалы отбасылардың кәмелеттік жасқа толмаған балаларының тууы туралы куәліктерінің нотариалды куәландырылған көшірмелері;
  3. Егер оқушы және заңды тұлғалары І, ІІ,ІІІ топ мүгедегі болған жағдайда мүгедектігі туралы анықтама;
  4. Аз қамтылған отбасы ретінде мемлекеттік атаулы әлеуметтік көмек алатындығы туралы анықтама.
  5. Арыз беруші мен отбасының тұрмысы қолайсыз отбасы ретінде тіркелгендігін растайтын ішкі істер бөлімінің немесе жергілікті атқарушы органдардың берген анықтамасы (болған жағдайда);

Оқушыларға жатақханадан орын беру құқығы келесі тәртіппен жүргізіледі:

  • балалар үйлерінің тәрбиеленушілері;
  • Зияткерлік мектептен тыс жерлерде орналасқан аймақтар мен елді мекендерде тұратын оқушыларға келесі тәртіп ескеріледі:
  • ата-анасының қамқорлығынан айрылған балалар;
  • І, ІІ және ІІІ топ мүгедек болса;
  • оқушының заңды тұлғалары І, ІІ және ІІІ топ мүгедек болса;
  • оқушы, заңды өкілдері аз қамтылған тұлғаларға жататын немесе Қазақстан Республикасы заңнамасында көрсетілген күнкөріс деңгейі төмен болса;
  • өздерімен бірге тұратын 4 және одан да көп кәмелетке толмаған балалары бар көп балалы отбасының балалары;
  • толық емес отбасының балалары, яғни баланы ата-анасының біреуі ғана тәрбиелейтін болса, оның ішінде ажырасқан, жесір қалған болса;
  • Зияткерлік мектептен тыс жерлерде орналасқан аймақтар мен елді мекендерде тұратын басқа да оқушылар.

Жатақханадан орын беру  тәртібі

Мектеп директорының бұйрығымен оқушыларға жатақханадан орын беру үшін комиссия құрылады.

Комиссия Назарбаев Зияткерлік мектептерінің жатақхана қызметі туралы ережесіне сүйене отырып, жоғарыда көрсетілген құжаттарды қарастырады, қажет болған жағдайда комиссия мүшелері отбасының тұрмыстық жағдайын қарауға, актілеуге, оқушының отбасындағы психологиялық ахуалын анықтауға шыға алады.

Орын алу құқығы басым деп табылған бірнеше оқушының жағдайы бірдей болса, орын беру барысында арыз берген күні мен уақыты ескеріледі. Жатақханадан орын алуға құқығы басым оқушылардың қатарына енбеген оқушыларға орын арыз тапсырған күні мен уақытына сәйкес кезегімен беріледі.

Комиссиясының шешімі туралы сіздердің берген өтініштеріңіздегі көрсеткен байланыс телефондарыңызға хабарлаймыз. Оқушыларға мектеп жатақханасынан орын бөлу комиссиясының шешімі  27.06.2018ж. http://ptr.nis.edu.kz/.   сайтында жарияланады.

Мекен-жайы: Петропавл қаласы, Ы.Ыбраев көшесі, №22 А ғимарат

Байланыс телефоны: 8 (7152) 559722-қабылдау бөлмесі  8 (7152) 559725-жатақхана